بسم الله نبدأ- خواطر

هل افكاري ذات اي قيمه - ربما يراها البعض تافهه - ضرب من الهراء - او يراها اخرون  مؤثره مفيده .. و لكن المؤكد انها افكاري . قرات كثيرا و مرت بي تجارب لا استطع حصرها . 

عندي شغف اني أتعلم و دايما حاسس اني محتاج أتعلم .. فضي الكوب بتاعك - Empty your cup - أحد اول المبادئ و الأفكار اللي قريتها من زمااااااان اوي ٠ متهيألي حتي من قبل ايام اشتراكي في كيو نت -qnet- يااااااااة . حلم حوالي سنتين من عمري -مش ندمان عليهم أبدا - كنت باقرأ كثييييير اوي و حاسس اني جزء من حاجه الاحتمال الأكبر لما ابذل فيها مجهود و أصر عليها أوصل للثراء المادي -financial freedom - .. يمكن ملاقيتش أيامها اي حاجه تانيه ممكن توصلني ل حلم الثراء السريع نسبيا . شايف قدامي ناس نجحت صغيره مؤثره بتشجع التيم اللي معاها انها تتعلم و تنفذ و تتحرك و تطلع بره ال-comfort zone - و أنا كنت ف مركز ال-comfort zone - بس حاولت كثير و عافرت كثير و كنت دايما حاسس اني بعييييييد اوي و عايز أتعلم اكثر و اكثر يمكن ابقي "مقنع" و مؤثر في يوم من الأيام . فكره اني اكون قائد ل مجموعه -team leader - فكره دايما كانت بتثير الحماسه جوايا . خصوصا الاحساس اني اكون عارف حاجات اكثر من حد تاني و اعلمهاله. كانت فكره بعيده عني بس دافعه لأقصي حد اني ابذل فيها مجهود و وقت و فلوس كثير -   اللي استفدته بصراحه من التجربه دي حاجات كثير مكانش منها خالص الفلوس 🥳🥳 . قدرت اقنع اتنين يدخلوا معايا التيم و يشتركوا - و كان عندهم قدرات و مواهب  الإقناع الفطريه اقوي مني بكثير - بس محدش فيهم اشتغل علي المشروع ولا بذل فيه مجهود .. و أنا بالرغم من اني كنت مقتنع جدااااا اني هوصل في يوم من الأيام كان دايما عندي حذر و خوف ان الشركه تطلع نصابه و دايما حتي ف عرضي و كلامي احذر ان مش ١٠٠ ٪؜ واثق فيها .   

الحمدلله بعد حوالي سنتين شغل كثير و قرايه و حماسه - الشركه قفلت في مصر و اتفضحت فضيحه كبيره و وقفت فيها شغل تماما طبعا . يا شماته ابله ظاظا فيا . كلمت ناس كثيييييييير جدا في و خارج نطاق علاقاتي .. زوجتي - قرايبي - اصدقائي -أصحابي - ناس غريبه أقابلها صدفه في الموصلات - او حتي واقفين معايا ف الطابور - او حتي زمايل من ايام المدرسه أدور عليهم و اجدد علاقتي علشان اتكلم معاهم و أقنعهم … يااااااااااااااه .. اعتقد اني عمري ما كنت مقنع بالفطره 😅 . ، ان اكيد لو حد تاني بذل خمس المجهود دا كان حقق نجاح اكثر بكثير - زي زوجتي ( دي حقيقه طول عمرها مقنعه و مؤثره جدا في كل اللي حواليها - بس لما تقتنع هيا الاول 😂) . طبعا غني عن الذكر انها مقتنعتش واحد ف المليون بالفكره . 

ياااااااااة . بس تجربة كانت مفيده لأني عملت فيها حاجات عمري ما تخيلت اني اقدر اعملها و اتعلمت حاجات كثيييييير - اعتقد ممكن تكون فادتني ف المستقبل بعد كدا او لا - مش متاكد الصراحه . 

، متهيألي طولت ف الكلام المره دي . مش عايزك تزهق/تزهقي مني في اول حاجه اكتبها هنا .. و أشوفكم ف البوست اللي بعدة .